Mera Shehar – Kisse, Kahaniyaan, Yaadein

EP 01 – Mera Shehar Jaipur

Uss din me aur tithi dono ne milne ka plan banaya tha. 6 mahine tak social media pe apne khyalo ko share karne ke baad humdono iss nirnay pe pohche the ki ab hamen ek dusare se milna chahiye. Jayapur me bachapan se rahne ke bawajood mujhe us din shehar ki sadke aur galiyaan alag si lag rahi thi. kyuki ham dono old school wale pyaar ki aas lagaye ek dusare se milne nikale the aur main to man hi man pyaar ki galiyon mein tahel raha tha .

EP 02 – Mera Shehar Patna

Mera shehar Patna. is shehar ko paatliputra ke naam se bhi jaana jaata hain, ab to saal me ek aadh baar hi  waha jaana hota hain. aaj bhi railway station patna Junction pe paav rakhte hi saari coaching aur school ki yaadein instagram reel ki tarah aankho ke aage chalne lagati hain. station patna Junction se nikal ke Hanuman mandir ki bheed. maine apani coaching patna me hi puri ki, mera ghar patna bhale hi me zindngi mein bahut kuch kar nahin paaya, par patna shehar ne jo pal diye hain wo shayad phir kabhi aane wale nahin hain.

EP 03 – Mera Shehar Allahabad

Yeh kahani hain prayagaraj ke tanu ki hai, yeh 15 se 20 saal pahle ki kahani hain jab woh school me padhati thi aur prayagaraj us samay ilahabad hua karta tha. tanu ke liye uska shehar hi sab kuch tha. use duniya ke kisi bhi shehar se acha uska apna shehar ilahabad hi lagta tha, ye shehar kai saalo se padhane likhne walo ke liye Oxford University rahi hain. par inn sab baaton ka tanu se lena dena nahi tha uske liye to shehar ki ek hi jagh important thi, uske Angels High School ka campus!

EP 04 – Mera Shehar Hyderabad

Ye baat hain 2016 ki. meri nayi naukri lagi thi aur posting Hyderabad me thi. naya shehar, nayi  naukri,naye log, tamam baatein mere man me chal rahi thi, us din main subah Hyderabad birayani khane ghar se nikala, ki tabhi signal ke kisi hoarding par ek bahut hi sundar ladki ki khubasoorat tasvir dikhi. maine jeevan me aisi khubasoorat photo kabhi nahin dekhi thi, ki bas use dekhte dekhte wrong side me bike ghuma li aur traffic police wale anna ne aakar mujhe dhar liya, aur plan chaupat!

EP 05 – Mera Shehar Bodh Gaya

Bodh gaya shehar puri duniya me bhagawaan buddh ki wajah se famous hain. bihaar rajya ke gaya jile me padne wala yeh ek spiritual shehar hain. mere chaacha veeru ki dukaan issi shehar me thi. main har saal diwali ki chhuttiyon pe unke ghar jaroor jaaya karata tha, ek din bhagawaan buddh ki 50 special murtiyon ka order unhe mila par unki tabiyat kharaab hone se sab gadabad hota dikh raha tha. Order pura nahin hone ke kaaran kshama maangne ke alawa koi aur chaara nahin tha. maine veeru chaacha ko itna dukhi shayad hi kabhi dekha hoga. main unka dard samajha sakata tha. khair ab kiya bhi kya ja sakta tha?

EP 06 – Mera Shehar Amravati

Maharashtra ke vidarbha prant me basa shehar amaravati, mera janm yahi hua aur yahi par bada hua, yaha amba devi ka ek prachin mandir hai, yeh prachin mandir 5000 se bhi purana hai, iss mandir ko dekhne aur amnba devi ke darshan ke liye door door se log aate hai. navaratri me yaha ek bahut bada utsav rahta hai, amba devi ki ek vishal yatra nikali jaati hai, maharashtra aur maharashtra ke bahar se log yaha is yatra ko dekhne aate hai, ye kahani usi yatra ki hai,

EP 07 – Mera Shehar Jabalpur

Mera shehar Jabalpur! Ye kissa hai mere class 8th se 9th tak ka aur model high school ke admission ke liye shuru hui race ka hai. Us dinon result nikal chuke the aur sab model high school ke pichhe lage pade the, waise isme koi galat baat thi hi nahin model high school was best at that time, ek alag hi hype hua karti thi model high school ki, par kya hamara model high school me jaane ka sapna pura hoga?

EP 08 – Juliet Ka Bhopal

Main aur mera dost pratik Delhi University me padhte the, main to Delhi se hi tha magar pratik yaha apna shehar bhopal chhodkar yaha padhne aaya tha, aur padhai puri hote hi vapis uske shehar laut gaya aur dedh saal baad pahli baar main use milne uske shehar bhopal jaane wala hoon, kaisi hogi hamari ye mulakaat ? kaisa hoga usaka shehar?